(ဈ)- ဦးတင့်လွင်(နတ်တလင်းမဲဆန္ဒနယ်)

နတ်တလင်းမဲဆန္ဒနယ်အတွင်းရှိ ရွာသာကုန်း-ဇီးပင်ကွင်း-ရှမ်းကုန်း-လက်ခုပ်ပင် ကျေးရွာချင်း ဆက်လမ်း ပျက်စီးနေပါသဖြင့် ကွန်ကရစ်လမ်းအဖြစ် မည်သည့်ဘဏ္ဍာရေးတွင် ဆောင်ရွက်ပေး မည်ကို သိရှိလိုခြင်းနှင်စပ်လျဉ်းသည့်မေးခွန်း

မိမိအနေဖြင့် ပဲခူးတိုင်းဒေသကြီး(အနောက်)၊ နတ်တလင်းမြို့နယ်အတွင်းရှိ ရွာသာကုန်း- ဇီးပင်ကွင်း-ရှမ်းကုန်း-လက်ခုပ်ပင်ကျေးရွာချင်းဆက်လမ်း လမ်းအရှည် ၂ မိုင်၊ ၇ ဖာလုံမှာ ပျက်စီး နေပါသဖြင့် ကွန်ကရစ်လမ်းအဖြစ် ဆောင်ရွက်ပေးနိုင်ခြင်းရှိ မရှိမေးခွန်းအား လွှတ်တော်ဥက္ကဋ္ဌကြီး မှတစ်ဆင့် မေးမြန်းသွားမည် ဖြစ်ပါကြောင်း၊ ၎င်းလမ်းနှင့်စပ်လျဉ်း၍ ရွာသာကုန်းကျေးရွာအုပ်စု အုပ်ချုပ်ရေးမှူးအပါအဝင် ရပ်မိရပ်ဖ ၁၄ ဦးမှလည်း ၂၂-၄-၂၀၂၄ ရက်စွဲပါစာဖြင့် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုဝန်ကြီးထံ တင်ပြခဲ့ရာ ပြည်ထောင်စုဝန်ကြီးရုံးမှ စာအမှတ် ၂/၁/၄(သမကျေးလက်)၈၃၈/၂၀၂၄ ဖြင့် ၂၀၂၄ ခုနှစ်၊ ဇွန်လ ၆ ရက်တွင် ကွန်ကရစ်လမ်း 

ဆောင်ရွက်ပေးနိုင်မည့် အခြေအနေပြန်ကြားခြင်း အကြောင်းအရာဖြင့် ပြန်စာအား တင်ပြသူထံ ပြန်လည်ပေးပို့ခဲ့ပါကြောင်း၊ 

ပြန်စာ အပိုဒ် ၂(ခ)တွင် ကျေးရွာ ၃ ရွာအတွင်းမှဖြတ်သန်းသွားလာသော ရွာထိန်းလမ်းဖြစ် သဖြင့် လျှပ်စစ်မီးတိုင်များမှာ လမ်းမပေါ်ကျရောက်နေပြီး လမ်းနှင့်ကင်းရန်အတွက် မီးတိုင်များ ရွှေ့ပြောင်းစိုက်ထူရန်လိုအပ်ကြောင်း၊ အပိုဒ် ၂ (ဂ)တွင် မီးတိုင်များရွှေ့ပြောင်းနိုင်ရေးအတွက် ဒေသခံ ပြည်သူများမှ မြို့နယ်လျှပ်စစ်ဓာတ်အားဖြန့်ဖြူးရေးလုပ်ငန်းတို့နှင့်ညှိနှိုင်းပြီး ကွန်ကရစ် လမ်းအဆင့် မြှင့်တင်ဆောင်ရွက်မည်ဆိုပါက ခန့်မှန်းငွေကျပ် ၁၆၁၀.၅ သန်းကုန်ကျမည်ဖြစ်ရာ ကျေးရွာဖွံ့ဖြိုးရေး ဦးစီးဌာနမှ ၂၀၂၅-၂၀၂၆ ဘဏ္ဍာရေးနှစ်မှစ၍ ပြည်ထောင်စု/ တိုင်းဒေသ ကြီးရန်ပုံငွေဖြင့် လျာထား တင်ပြသွားမည်ဖြစ်ပြီး ရန်ပုံငွေရရှိမှုပေါ်မူတည်၍ ဆောင်ရွက် ပေးသွား မည်၊ အပိုဒ် ၂ (ဃ)တွင် မိုင်တိုင်အမှတ် ၂/၃ မှ၂/၇ မိုင်အထိ လမ်းအရှည် ၄ ဖာလုံမှာ လမ်း အကျယ် ၈ ပေခန့်သာရှိသဖြင့် လမ်းနယ်ချဲ့ရန် လမ်းဘေးဝဲယာတောင်သူများမှ မြေနေရာလှူဒါန်း ပေးနိုင်မှု မရှိဟု ပါရှိ ပါကြောင်း၊

ထို့ကြောင့် ဒေသခံပြည်သူများမှ လိုအပ်ချက်များအား သက်ဆိုင်ရာဌာနများ၊ လမ်းနယ်နှင့် ထိစပ်နေသော တောင်သူများနှင့်ညှိနှိုင်းပေါင်းစပ်ပြီး ၂၉-၁၁-၂၀၂၄ တွင် လမ်းကော်မတီမှ လျှပ်စစ်မီးတိုင်များ ရွှေ့ပြောင်းပေးမည့် လျှပ်စစ်ဦးစီးဌာနနှင့် ညှိနှိုင်းပြီးစီးကြောင်း ကတိဝန်ခံချက်၊ လမ်းဘေးဝဲယာရှိ တောင်သူများ၏ မြေလှူဒါန်းမည့်ကတိဝန်ခံချက်များပါသည့်စာကို ကျေးရွာ အုပ်ချုပ်ရေးမှူး ရပ်မိရပ်ဖနှင့် အ.ထ.က(ခွဲ)ရှမ်းကုန်းကျောင်း ကျောင်းကော်မတီဝင်များမှ ထပ်မံ အသနားခံစာပေးပို့ခဲ့ပါကြောင်း၊  တင်ပြပါလမ်းမှာ ရှမ်းကုန်း အ.ထ.က(ခွဲ)မှ ကျောင်းသား ကျောင်းသူ ၂၀၅ ဦးတက်ရောက်နေခြင်း၊ ကျေးရွာအုပ်စု ၄ အုပ်စု၊ ကျေးရွာခွဲ ၁၆ ရွာရှိ လယ်ဧက ၄,၇၉၄ဧကအတွက် လယ်ယာသုံးစက်ပစ္စည်းများ ဖြတ်သန်းသွားလာပြီး လယ်ယာထွက်ကုန် သယ်ယူ ပို့ဆောင်ရေးအတွက် အဓိကအသုံးပြုနေရခြင်း၊ ကျေးရွာ ၁၆ ရွာရှိ ပြည်သူများ ကျန်းမာရေးအတွက် အဓိကအသုံးပြုနေရပါတကြောင်း၊ သို့ဖြစ်ပါ၍ အဆိုပါလမ်းအား ကွန်ကရစ်လမ်း ဆောင်ရွက်ပေး နိုင်ပါရန် အစီအစဉ်ရှိ မရှိနှင့် ရှိပါကမည်သည့်ဘဏ္ဍာရေးနှစ်တွင် ဆောင်ရွက်ပေး နိုင်မည်ကို မေးမြန်းခဲ့ပါသည်။

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ၊ ဒုတိယဝန်ကြီး၊ ဦးသိုက်စိုး က

နတ်တလင်းမြို့နယ်၊ ရွာသာကုန်း-ဇီးပင်ကွင်း-လက်ခုပ်ပင်လမ်း တည်နေရာပြမြေပုံနှင့် လက်ရှိမြေပြင်မှတ်တမ်းဓာတ်ပုံဖြစ်ပါကြောင်း၊ ရွာသာကုန်း-ဇီးပင်ကွင်း-ရှမ်းကုန်း-လက်ခုပ်ပင် သို့ဆက်သွယ်ထားသောလမ်းသည် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ကျေးလက် လမ်းဖွံ့ဖြိုးရေးဦးစီးဌာနပိုင်တိုင်းဒေသကြီးမှ စီမံခန့်ခွဲသော လမ်းဖြစ်ပါကြောင်း၊ စုစုပေါင်း လမ်း အရှည် ၂ မိုင်၊ ၇ ဖာလုံ ရှိပါကြောင်း၊ အဆိုပါလမ်းသည် အမာခံလမ်း ၂ မိုင်၊ ၀.၁၈ ဖာလုံနှင့် မြေသားလမ်း ၆.၈၂ ဖာလုံပါဝင်ပြီး Class (A) အဆင့်လမ်းဖြစ်ပါကြောင်း၊ စုစုပေါင်း လမ်းအရှည် ၂ မိုင်၊ ၇ ဖာလုံအနက် ၁ မိုင်၊ ၀.၂၄ ဖာလုံ မြေနီကျောက်စရစ်ခင်းခြင်းကို ၂၀၂၅-၂၀၂၆ ဘဏ္ဍာရေး နှစ်တွင်  ပြည်ထောင်စုငွေလုံးငွေရင်းရန်ပုံငွေဖြင့် ဆောင်ရွက်ပေးခဲ့ပါကြောင်း၊ လက်ရှိ အခြေအနေ တွင် ကျန်ရှိသော အမာခံလမ်း ၁ မိုင်နှင့် မြေသားလမ်း ၆.၇၆ ဖာလုံမှာ ပျက်စီး လျက်ရှိပါကြောင်း၊ အဆိုပါ အမာခံလမ်းနှင့် မြေသားလမ်း ၂ မိုင်၊ ၇ ဖာလုံကို ကွန်ကရစ်လမ်းခင်း မည်ဆိုပါက ခန့်မှန်း ကုန်ကျငွေကျပ် ၃.၇၆၂ ဘီလီယံ ကုန်ကျမည် ဖြစ်ပါကြောင်း၊

ကျေးလက်လမ်းဖွံ့ဖြိုးရေး မဟာဗျူဟာအရ ရာသီမရွေးသွားလာနိုင်သည့်လမ်းအဖြစ် ဆောင်ရွက်လျက်ရှိပါကြောင်း၊ ထို့ကြောင့် ၂၀၂၅-၂၀၂၆ ဘဏ္ဍာရေးနှစ်တွင် ဆောင်ရွက်ခဲ့သည့် လမ်းပိုင်း ၁ မိုင်၊ ၀.၂၄ ဖာလုံမှ မြေနီကျောက်စရစ်ခင်းခြင်းလုပ်ငန်း ၂ ဖာလုံကို ၂၀၂၇-၂၀၂၈ ဘဏ္ဍာရေး နှစ်တွင် တိုင်းဒေသကြီး ငွေလုံးငွေရင်း ရန်ပုံငွေ တွင် လျာထားသွားမည်ဖြစ်ပြီး ရန်ပုံငွေ ရရှိမှု အပေါ်မူတည်၍ ဆောင်ရွက်ပေးသွားမည်ဖြစ်ပါကြောင်းနှင့် လတ်တလောတွင် ကွန်ကရစ် လမ်းအဖြစ် အဆင့်မြှင့်တင် ခြင်းကို ဆောင်ရွက်ပေးနိုင်ခြင်း မရှိသေးပါကြောင်း ဖြေကြားခဲ့ပါသည်။