၁။ | လေ့လာသူများ၏ အချက်အလက်များကို ဖြည့်စွက်ရာတွင် အမည်၊ မှတ်ပုံတင်အမှတ် (မှတ်ပုံတင် မရှိသူများ/ ပျက်စီး/ ပျောက်ဆုံးသူများအတွက် သက်ဆိုင်ရာရပ်ကွက်၏ နေထိုင်ကြောင်း ထောက်ခံ ချက်များ၊ ကျောင်းသားဖြစ်ပါက ကျောင်းသားကတ်)၊ ဖုန်းနံပါတ်နှင့် နေရပ်လိပ်စာတို့ကို တစ်ပါတည်း ပြည့်စုံစွာ ဖြည့်စွက်၍ လျှောက်ထားပါရန်။ |
၂။ | လွှတ်တော်သို့ လာရောက်လေ့လာသည့်နေ့တွင် မှတ်ပုံတင်/ ထောက်ခံစာမူရင်းများ ယူဆောင် လာပါရန်။ |
၃။ | မြန်မာဆန်ဆန် ဝတ်စားဆင်ယင်ကြရန် (ဥပမာ - စကတ်တို၊ ဘောင်းဘီတို၊ လည်ဟိုက်အင်္ကျီ၊ လက်ပြတ် အင်္ကျီ စသည်တို့ မဝတ်ဆင်ရ)။ |
၄။ | ဧည့်သည်တော်များအနေဖြင့် ဂိတ်အမှတ်(၁) ကြိုးတံတားဂိတ်မှ စတင်ဝင်ရောက်၍ လုံခြုံရေးအရ စစ်ဆေးခြင်းကို ကြည်ဖြူစွာခံယူရန်နှင့် ဝင်/ထွက်ခွင့် လည်ဆွဲကတ်များအား စနစ်တကျ ထုတ်ယူပြီး ပျောက်ဆုံးမှု မရှိစေရေး ဂရုပြုကြရန်။ (တက္ကဆီနှင့် ဆိုင်ကယ်များ ဝင်ခွင့်မပြု) |
၅။ | သတ်မှတ်ထားသည့်နေရာများတွင် လေ့လာရန်နှင့် ဆူညံခြင်း မပြုကြရန်။ |
၆။ | လွှတ်တော်အစည်းအဝေးခန်းမအတွင်းသို့ မှတ်သားစရာ စာအုပ်၊ ဘောပင်နှင့် ခဲတံမှလွဲ၍ ကျန်ပစ္စည်း များအား ယူဆောင်ခြင်းမပြုရ။ |
၇။ | ကလေးငယ်များပါရှိသည့် မိဘများအနေဖြင့် အစည်းအဝေးခန်းမပြင်ပရှိ သတ်မှတ်နေရာတွင်သာ နေ၍ အစည်းအဝေးကျင်းပနေပုံအား လေ့လာရန်။ |
၈။ | လေ့လာသူများအနေဖြင့် အစားအသောက်များ၊ ရုပ်ရှင်/ ရုပ်သေကင်မရာ၊ ရေဒီယို၊ ကက်ဆက်၊ လက်ကိုင်ဖုန်း(စက်ပိတ်ထားပါရန်)၊ အသံလွှင့် အသံဖမ်းကိရိယာများအား သတ်မှတ်ထားသည့် Locker ထဲတွင် သော့ခတ်သိမ်းဆည်းရန်နှင့် သော့နံပါတ်များအား လုံခြုံရေးဝန်ထမ်းများထံ စာရင်း ပေးပြီး သော့များကို မိမိကိုယ်တိုင် စနစ်တကျ သိမ်းဆည်းရန်။ |
၉။ | အစည်းအဝေးခန်းမအတွင်းသို့ အစားအသောက်များ ယူဆောင်လာခြင်း မပြုရ။ |
၁၀။ | လေ့လာရေးစင်မြင့်တွင် နေရာယူသည့်အခါ ထိုင်ခုံပေါ်တွင် ဒူးထောက် ထိုင်ခြင်း၊ ရှေ့ခုံပေါ် ခြေထောက် တင်ခြင်း၊ စားပွဲပေါ် မှောက်အိပ်ခြင်း မပြုလုပ်ရ။ |
၁၁။ | လွှတ်တော်အစည်းအဝေးခန်းမအတွင်းသို့ ဥက္ကဋ္ဌကြွရောက်လာစဉ်နှင့် ခန်းမအတွင်းမှ ပြန်လည် ထွက်ခွာစဉ် ဧည့်သည်တော်များအားလုံး မတ်တပ်ထရပ်ပေးကြပါရန်နှင့် အခမ်းအနားမှူးမှ အားလုံးထိုင်နိုင်ပါပြီဆိုမှ ထိုင်ပေးကြပါရန်။ |
၁၂။ | လွှတ်တော်အစည်းအဝေး ကျင်းပနေစဉ် လွှတ်တော်ကိုယ်စားလှယ်များက အစီအစဉ်တစ်ခုပြီးတိုင်း လက်ခုပ် ဩဘာတီးသည့်အချိန်တွင် ဧည့်သည်တော်များအနေဖြင့် လက်ခုပ်တီးခြင်း မပြုလုပ်ကြရန်။ |
၁၃။ | အစည်းအဝေး ခေတ္တရပ်နား/ ပြီးဆုံးချိန်မှသာ အစည်းအဝေးခန်းမအတွင်းမှ ထွက်ခွာရန်။ |
၁၄။ | လေ့လာခြင်းခရီးစဉ်ပြီးဆုံးပါက အမှတ်(၂) ကြိုးတံတားဂိတ်တွင် ဝင်/ထွက်ခွင့် ကတ်များအား ထုတ်ယူထားသည့် အရေအတွက်အတိုင်း စနစ်တကျ အပ်နှံပြီးမှ ပြန်လည်ထွက်ခွာရန်။ |
