Skip to main content
၂၀၁၂ ခုနှစ်၊ ပြည်သူ့လွှတ်တော်ဆိုင်ရာဥပဒေအခန်း(၂) ပုဒ်မ (၃) အရ ပြည်သူ့လွှတ်တော်ကို လွှတ်တော်ကိုယ်စားလှယ်ဦးရေအများဆုံး ၄၄၀ ဦးဖြင့် အောက်ပါအတိုင်း ဖွဲ့စည်းရမည်-
(က) ဖွဲ့စည်းပုံအခြေခံဥပဒေနှင့် ရွေးကောက်ပွဲဥပဒေများအရရွေးကောက်တင်မြှောက်သည့် ၃၃၀ ဦးထက်မပိုသောလွှတ်တော်ကိုယ်စားလှယ်များ၊
(ခ) တပ်မတော်ကာကွယ်ရေးဦးစီးချုပ်ကဥပဒေနှင့်အညီအမည်စာရင်းတင်သွင်းသည့် ၁၁၀ ဦးထက်မပိုသောတပ်မတော်သားလွှတ်တော်ကိုယ်စားလှယ်များ။
၂၀၁၂ ခုနှစ်၊ ပြည်သူ့လွှတ်တော်ဆိုင်ရာဥပဒေအခန်း(၉) ပုဒ်မ (၃၄) အရ လွှတ်တော်သက်တမ်းတစ်ရပ်၏ပထမပုံမှန်အစည်းအဝေးကိုအထွေထွေရွေးကောက်ပွဲစတင်ကျင်းပသည့်ရက်မှရက်ပေါင်း၉၀အတွင်းကျင်းပရမည်ဖြစ်ပါသည်။
၂၀၁၂ ခုနှစ်၊ ပြည်သူ့လွှတ်တော်ဆိုင်ရာဥပဒေအခန်း(၄) ပုဒ်မ (၉) အရလွှတ်တော် ကိုယ်စားလှယ်များ၏တာဝန်များမှာအောက်ပါအတိုင်းဖြစ်ပါသည်-
(က) ဖွဲ့စည်းပုံအခြေခံဥပေဒေနှင့်တည်ဆဲဥပေဒေများကိုကာကွယ်စောင့်ရှောက်ခြင်း၊
(ခ) နိုင်ငံတော်နှင့်စပ်လျဉ်းသောလျှို့ဝှက်ချက်များကိုထိန်းသိမ်းစောင့်ရှောက်ခြင်း၊
(ဂ) လွှတ်တော်သို့တင်သွင်းသောဥပဒေကြမ်းများ၊အဆိုများနှင့်စပ်လျဉ်းဆွေးနွေးရာတွင်နိုင်ငံတော်နှင့်နိုင်ငံသားများ၏အကျိုးစီးပွားကိုသာအဓိက ထားခြင်း၊
(ဃ) နိုင်ငံသားများ၏မူလအခွင့်အရေးများရရှိခံစားနိုင်ရေးကရှေးရှုဆောင်ရွက်ခြင်း
(င) မဲဆန္ဒမြေနှင့်နိုင်ငံတော်ဖွံ့ဖြိုးတိုးတက်ရေးအတွက်ဖွဲ့စည်းပုံအခြေခံဥပဒေနှင့်မဆန့်ကျင်စေဘဲသက်ဆိုင်ရာအာဏာပိုင်အဖွဲ့အစည်းများနှင့်ဖြစ်စေ၊အာဏာပိုင်ပုဂ္ဂိုလ်များနှင့် ဖြစ်စေပေါင်းစပ်ညှိနှိုင်းဆောင်ရွက်ပေးခြင်း၊
(စ) မဲဆန္ဒရှင်များအားလွှတ်တော်အတွေ့အကြုံ ပြန်လည်ရှင်းလင်းတင်ပြခြင်း၊
(ဆ) မဲဆန္ဒရှင်များ၏တင်ပြချက်များနှင့်စပ်လျဉ်း၍လွှတ်တော်သို့တင်ပြခြင်း၊
(ဇ) လွှတ်တော်ကပေးအပ်သည့်အခြားတာဝန်များကိုထမ်းဆောင်ခြင်း၊
၂၀၁၂ ခုနှစ်၊ ပြည်သူ့လွှတ်တော်ဆိုင်ရာဥပဒေအခန်း(၉) ပုဒ်မ(၄၃) အရ ပြည်သူ့လွှတ်တော်အစည်းဝေးများ၌အောက်ပါကိစ္စရပ်များကိုဆောင်ရွက်သည် -
(က) နိုင်ငံတော်သမ္မတပြောကြားသည့်မိန့်ခွန်းကိုမှတ်တမ်းတင်ခြင်း၊
(ခ) နိုင်ငံတော်သမ္မတကပေးပို့သောသဝဏ်လွှာနှင့်ဥက္ကဋ္ဌကခွင့်ပြုသောအခြားသဝဏ်လွှာများကိုဖတ်ကြားခြင်းနှင့်မှတ်တမ်းတင်ခြင်း၊
(ဂ) ဥပေဒေကြမ်းတင်သွင်းခြင်း၊ဆွေးနွေးခြင်းနှင့်ဆုံးဖြတ်ခြင်း၊
(ဃ) ဖွဲ့စည်းပုံအခြေခံဥပဒေပါ ပြဋ္ဌာန်းချက်များအရလွှတ်တော်ကဆောင်ရွက်ရမည့်ကိစ္စရပ်များနှင့်စပ်လျဉ်း၍ဆွေးနွေးခြင်းနှင့်ဆုံးဖြတ်ခြင်း
(င) လွှတ်တော်သို့တင်သွင်းသည့်အစီရင်ခံစာများကိုဆွေးနွေးခြင်း၊ဆုံးဖြတ်ခြင်းနှင့်မှတ်တမ်းတင်ခြင်း၊
(စ) အဆိုတင်သွင်းခြင်း၊ဆွေးနွေးခြင်းနှင့်ဆုံးဖြတ်ခြင်း၊
(ဆ) မေးခွန်းမေးမြန်းခြင်းနှင့်ဖြေကြားခြင်း၊
(ဇ) ဥက္ကဋ္ဌကခွင့်ပြုသည့်ကိစ္စရပ်များနှင့်စပ်လျဉ်းဆောင်ရွက်ခြင်းများစသည့်အကြောင်းအရာများကိုဆောင်ရွက်ပါသည်။
၂၀၁၃ ခုနှစ်၊ ပြည်သူ့လွှတ်တော်ဆိုင်ရာနည်းဥပဒေအခန်း (၁၇) ပုဒ်မ၁၅၅ အရ ပြည်ထောင်စုအဆင့်အဖွဲ့အစည်းက ဖြစ်စေ၊ လွှတ်တော်ကိုယ်စားလှယ်တစ်ဦးဦးကဖြစ်စေ အောက်ပါကိစ္စရပ်များနှင့် စပ်လျဉ်း၍လွှတ်တော်၏ အဆုံးအဖြတ်ကိုရယူလိုလျှင် လွှတ်တော်သို့ အဆိုအဖြစ်တင်သွင်းရမည် -
(က) နိုင်ငံတော်နှင့် နိုင်ငံံသားများ၏ အကျိုးနှင့် စပ်လျဉ်းသောကိစ္စ၊
(ခ) အစိုးရဌာန၊ အဖွဲ့အစည်းများနှင့် စပ်လျဉ်းသောကိစ္စ၊
(ဂ) ဥက္ကဋ္ဌကခွင့်ပြုသည့်အခြားကိစ္စရပ်များနှင့် စပ်လျဉ်း၍ လွှတ်တော်သို့ အဆိုများတင်သွင်း နိုင်ပါသည်။
၁။ သာမန်အဆို
၂။ အရေးကြီးအဆို
၃။ ဝမ်းနည်း/ဝမ်းသာကြောင်းအဆို
၄။ စွပ်စွဲပြစ်တင်ခြင်းအဆို
ပြည်သူ့ရေးရာစီမံခန့်ခွဲမှုကော်မတီ၏ ဖုန်းနံပါတ် ၀၆၇-၅၉၁၅၃၉၊၀၆၇-၅၉၁၃၅၇၊ ၀၆၇-၅၉၁၃၅၆၊ E-mail – [email protected] နှင့် Pgae address – https://www.facebook.com/publicaffairs.ht သို့ တင်ပြလိုသည့် အကြောင်းအရာများနှင့် တိုင်ကြားစာများအားဆက်သွယ် ပေးပို့နိုင်ပါသည်။
ပြည်သူ့လွှတ်တော်ဆိုင်ရာဥပဒေနှင့် ပြည်သူ့လွှတ်တော်ဆိုင်ရာနည်းဥပေဒေများကို ပြည်သူ့လွှတ်တော် Website ၏ပင်မစာမျက်နှာရှိ “ဥပဒေဆိုင်ရာများ”ခေါင်းစဉ်အောက်ရှိ “ပြည်သူ့လွှတ်တော်ဆိုင်ရာဥပဒေ”နှင့် “ပြည်သူ့လွှတ်တော်ဆိုင်ရာနည်းဥပဒေများ”ခေါင်းစဉ်ခွဲများအားနှိပ်၍ဝင်ရောက်ပြီး Download ရယူနိုင်ပါသည်။
အဆိုများအားအသေးစိတ်ဖတ်ရှုလိုပါကအဆိုဆွေးနွေးသည့်နေ့၏အစည်းအဝေးမှတ်တမ်း (ဥပမာဒုတိယအကြိမ်ပြည်သူ့လွှတ်တော်၊ဆဋ္ဌမပုံမှန်အစည်းအဝေး၊သတ္တမမြောက်နေ့ (၃၀. ၁၀. ၂၀၁၇)ရက်နေ့တွင်ဆွေးနွေးသည်အဆိုဖြစ်ပါကယင်းနေ့၏အစည်းအဝေးမှတ်တမ်း)တွင်အသေးစိတ်ဖတ်ရှုနိုင်ပါသည်။
အဆိုများကိုသာမန်အဆို၊အရေးကြီးအဆိုဟူ၍ခွဲခြားကြည့်ရှုနိုင်ပါသည်။အဆိုများဟူသောစာမျက်နှာ၏ဘယ်ဘက်ရှိ “အဆိုအမျိုးအစားရွေးချယ်ရန်” ဟူသောနေရာတွင် သာမန်အဆိုနှင့် အရေးကြီးအဆိုကို ခွဲခြားကြည့်ရှုနိုင်ပါသည်။
ပြည်သူ့လွှတ်တော်တွင်တင်သွင်းခဲ့သောအဆိုများအား ပြည်သူ့လွှတ်တော် Website ၏ပင်မစာမျက်နှာရှိ “အစည်းအဝေး”ဟူသောခေါင်းစဉ်အောက်ရှိ “အဆိုများ”ဟူသောခေါင်းစဉ်ခွဲအောက်တွင်ဝင်ရောက်ဖတ်ရှု၍ Download ရယူနိုင်ပါသည်။
ပြည်သူ့လွှတ်တော်အစည်းအဝေးနေ့စဉ်မှတ်တမ်းများအားကြည့်ရှုလိုပါက ပြည်သူ့လွှတ်တော်Website ရှိ အစည်းအဝေးဟူသောခေါင်းစဉ်အောက်ရှိ အစည်းအဝေးများ ဟူသောခေါင်းစဉ်ခွဲအောက်တွင် သက်ဆိုင်ရာနေ့အလိုက်အစည်းအဝေးမှတ်တမ်းများကို PDF ဖိုင်ဖြင့်ဖော်ပြထားသည့်အပြင် Download ရယူလိုပါက Download Pattern ကိုနှိပ်၍ရယူနိုင်ပါသည်။
ပြည်သူ့လွှတ်တော်ပင်မစာမျက်နှာရှိဝန်ကြီးဌာနအလိုက်မေးခွန်းခေါင်းစဉ်အောက်တွင်ဝင်ရောက်ကြည့်ရှုနိုင်ပါသည်။
အောက်ပါလင့်များတွင်ဝင်ရောက်ကြည့်ရှုနိုင်ပါသည် -
ပြည်သူ့လွှတ်တော် Website - www.pyithu.hluttaw.mm
ပြည်သူ့လွှတ်တော် Facebook - https://www.facebook.com/pyithuhluttaw.gov.mm
၁. အမျိုးသားဒီမိုကရေစီအဖွဲ့ချုပ်(NLD)
၂. ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီ(USDP)
၃. ရှမ်းတိုင်းရင်းသားများဒီမိုကရေစီအဖွဲ့ချုပ်(SNLD)
၄. ရခိုင်အမျိုးသားပါတီ(ANP)
၅. တအာင်း(ပလောင်)အမျိုးသားပါတီ(TNP)
၆. ပအိုဝ်းအမျိုးသားအဖွဲ့ချုပ်ပါတီ (PNO)
၇. ဇိုမီးဒီမိုကရေစီအဖွဲ့ချုပ် (ZCD)
၈. လီဆူအမျိုးသားဖွံ့ဖြိုးတိုးတက်ရေးပါတီ (LNUP)
၉. ကိုးကန့်ဒီမိုကရေစီနှင့် ညီညွတ်ရေးပါတီ (KDUP)
၁၀. ကချင်ပြည်နယ်ဒီမိုကရေစီပါတီ (KSDP)
၁၁. “ဝ” ဒီမိုကရက်တစ်ပါတီ (WDP)
၁၂. တစ်သီးပုဂ္ဂလ (INDEPENDENT)